د اوکراین ولسمشر ولادیمیر زیلینسکي د جرمني د اپوزیسیون له مشر فریدریش مارتز سره په لیدنه کې ویلي چې له روسیې سره د جګړې د پای ته رسولو په لټه کې دی.
د رویټرز د راپور له مخې، نوموړي د ناستې په پای کې په یوه ګډه خبري غونډه کې زیاته کړه، چې د ناټو له پوځي اتحاد سره د اوکراين تر يوځاى کېدو پورې، په دغه هېواد کې د بهرنیو ځواکونو د پاتې کېدو غوښتونکي دي.
دا په داسې حال کې ده، چې د امریکا منتخب ولسمشر ډونلډ ټرمپ د یکشنبې په ورځ د اوکراین او فرانسې له ولسمشرانو ایمانویل مکرون او ولادیمیر زیلینسکي سره په کتنه کې په اوکراین کې د سمدستي اوربند غوښتنه وکړه.
هغه له روسیې او اوکراین څخه هم وغوښتل چې د جګړې د پای ته رسولو لپاره چې د «جنون» پای ته رسولو لپاره خبرې اترې پیل کړي، خپل شرایط لېست کړي.
خو ښاغلی زیلینسکي وايي: «اوکراین غواړي چې دا جګړه تر بل هر چا پای ته ورسوي. بې له شکه، چې یو ډیپلوماټیک حل به د نورو خلکو ژوند وژغوري. موږ یې په لټه کې یو.»
په عین حال کې، د اوکراین د ولسمشر ویاند، سرهي نیکیفوروف وویل چې کیيف د ډسمبر په میاشت کې د خپلو مهمو اروپایي شریکانو سره د یوې غونډې لپاره چمتووالی نیسي، چې د متحده ایالاتو په ګډون به« ددې وړتيا لري چې د هیواد د اعظمي پیاوړتیا ډاډ ترلاسه کړي.»
هغه زیاته کړه چې د دې غونډې موخه د یو ګډ دریځ رامنځته کول دي چې د خبرو اترو او د اوکراین د جګړې په ډګر کې قوي وي.
ښاغلی زیلینسکي وايي کله چې هغه له ایمانویل مکرون او ډونلډ ټرمپ سره ولیدل په جګړه کې یې د کرښو د «پیاوړتیا» په اړه خبرې کړې دي.
د یادونې وړ ده چې د ۲۰۲۲ کال په فبرورۍ کې د پوځي عملیاتو له پیل راهيسې، چې له دویمې نړیوالې جګړې وروسته په اروپا کې تر ټولو ستره جګړه بلل کېږي، روسیې د اوکراین نږدې پنځمه برخه خاوره نیولې ده.
