پوځي سرچینو رویټرز ته ویلي چې د روسیې او د بشارالاسد په مشرۍ د حکومت جنګي الوتکو د یکشنبې په ورځ د سوریې په شمال کې د یاغیانو تر ولکې لاندې ښار ادلب بمباري وکړه.
ځايي اوسېدونکو ويلي، چې يو بم د ادلب په مرکز کې، چې د ياغيانو تر کلابندۍ لاندې دی، د ګڼې ګوڼې په يوه ګڼ مېشته سيمه کې باندې لوېدلى دى، چې له امله يې لږ تر لږه اووه کسان وژل شوي او لسګونه نور ټپيان دي.
د سوریې پوځ او د هغې متحدې روسیې ویلي چې دوی د «د یاغیانو پټنځایونه» په نښه کړي او په ملکي وګړو یې بریدونه رد کړي دي.
ادلب ښار د ترکیې پولې ته نږدې پروت دی او شاوخوا څلور میلیونه وګړي په کېږديو او موقتي کورونو کې ژوند کوي.
دغه خبری اژانس وایی چې یوه ورځ مخکې د روسیې جنګی الوتکو د ادلب ولایت په نورو ښارونو بمباری وکړه.
د حیات تحریر الشام په نوم د بشار الاسد د حکومت ضد یاغیانو، د جمعې په شپه د ادلب ولایت په ختیځ حلب ښار برید وکړ، چې د سوریې پوځ یې اړ کړ چې په وروستیو کلونو کې د بشارالاسد په وړاندې ترټولو لوی ننګونې لپاره بیا ځای پرځای شي.
په ورته وخت کې د سوریې پوځ ویلي چې په دې جګړه کې تر اوسه د دوی لسګونه پوځیان وژل شوي دي.
تر دې مخکې د سوریې ولسمشر بشارالاسد د دغه هېواد د دولتي رسنیو له لارې په یوه خپره شوې خبرپاڼه کې ویلي وو: «ترهګر یوازې د زور په ژبه پوهیږي او دا هغه ژبه ده چې موږ یې له منځه وړو».
د یکشنبې په ورځ د سوریې پوځ اعلان وکړ چې په وروستیو ورځو کې یې د یاغیانو له خوا نیول شوي څو ښارونه بېرته نیولي دي. یاغیان حیات تحریر الشام او د ترکیې له ملاتړه برخمنې سیکولر وسله والې ډله یوه اسلامپاله ډله ده چې د اپوزیسیون تر ټولو ځواکمن پوځي ځواک بلل کېږي.
حيات التحرير الشام د امريکا، روسيې، ترکيې او نورو هېوادونو له خوا د يوې«ترهګرې» ډلې په توګه پيژندل شوې ده.
