د افغانستان د فوټبال فدراسیون د فوټسال کمېټې اعلان وکړ چې د افغانستان د فوټسال ملي لوبډله د کانټیننټال په سیالیو کې د ګډون په موخه تایلنډ ته روانه شوه.
د کانټینینټال فوټسال سیالۍ به د وږي له ١٠مې څخه تر وږي ١٦مې پورې د تایلنډ په کوربتوب ترسره کېږي.
په دغو سياليو کې افغانستان، تايلنډ، ګواتيمالا، کويټ او نيوزيلنډ برخه اخلي.
د افغانستان د فوټسال ملي لوبډله به خپله لومړۍ لوبه د وږي په ۱۲مه له ګواتیمالا سره وکړي.
