په کندز ولایت کې سرچينې وايي يو دغه ولايت کې یوه سړي د چاقو په وسیله له خپلو دوو ماشومانو سرونه غوڅ کړي دي.
سرچينو زياته کړې، چې دغه سړي خپل يو ماشوم او مېرمن هم ټپيان کړي دي.
د سرچينو د معلوماتو له مخې، دغه پېښه يکشنبه سهار(وږي ٤مه) د چهاردرې ولسوالۍ په ګل باغ کلي کې رامنځته شوې ده.
آمو د دغه پېښې د بوږنوونکو انځورونو له خپرولو ډډه کوي.
دا په داسې حال کې ده، چې په تېرو دریو کلونو کې په هېواد کې کورنی تاوتریخوالی زیات شوی دی.
د هېواد یو شمېر اوسېدونکي د کاري فرصتونو محدودیت، د کورنیو نارینه وو رواني فشارونه او د طالبانو په واکمنۍ کې د بې وزلۍ زیاتوالی د تاوتریخوالي د ډېرېدو اصلي لاملونه بولي.
