د افغانستان د بیارغونې لپاره د امریکا د سرمفتش ځانګړې ادارې (سیګار) په خپل یوه راپور کې ویلي، چې د طالبانو د مشر له حکم سره سم د کوکنارو په کښت او قاچاق بندیز ولګول شو، خو په هېواد کې د تریاکو کاروبار دوام لري.
دغه اداره وايي، د ترياکو سوداګري د هغو ګودامونو په پرتله زياته ده چې پخوا يې زېرمه کوله.
په راپور کې ویل شوي، سربېره پر دې، د افغانستان ځینو برخو د اقتصادي او سیاسي فشارونو له امله د کوکنارو په کښت باندې د طالبانو د بندیز په وړاندې مقاومت کړی دی.
سیګار د افغانستان په ځینو برخو کې د کوکنارو د کښت په وړاندې د مقاومت لامل د بدیل فصل نشتوالی وباله.
په دغه راپور کې راغلي، چې طالبانو د خپل څرګندېدو راهیسې پنځه ځلې هڅه کړې چې په افغانستان کې د کوکنارو پر کښت بندیز ولګوي. خو يو يې پايله نه ده ورکړې.
د امریکا د ځانګړي سر مفتش ادارې په دغه راپور کې ویلي، چې په افغانستان کې د قانون د نه پلي کوونکو او قضايي ارګانونه نشتوالى ، چې تېر کلونو کې چې په عادي ډول د نشه يي توکو پر ضد فعاليتونو پرې تکيه کوله، ددې لامل شوى چې په افغانستان کې د نشه يي توکو او اپينو د سوداګرۍ په مخنيوي کې په بشپړ ډول پاتې راشي.
د افغانستان د بیارغونې لپاره د متحده ایالاتو ځانګړي مفتش اداره د افغانستان د غیرقانوني اقتصاد د مشهور کارپوه ډیویډ مینسفیلډ د تحلیل پراساس وویل، «د طالبانو لپاره تریاک د عاید اصلي سرچینه ده.»
دغه اداره وايي، د چاپېریال شرایطو ته په کتو، په افغانستان کې «مخالفين» کولای شي د دغه هېواد د نشه يي توکو پر وړاندې د مبارزې د سیاستونو پر وړاندې دفاع وکړي.
راپور وايي چې متحده ایالاتو په افغانستان کې د مخدره موادو سره د مبارزې لپاره «هیڅ پلان» نه درلود.
دغه بنسټ زیاتوي، د یوه باثباته امنیتي چاپېریال پرته، په افغانستان کې د کوکنارو د کښت او د نشه یي توکو د تولید د کمولو چانس ډېر کم دی.
