په یوه ورځ کې څه باندې دوه زره افغان کډوال له ایران او پاکستان څخه ویستل شوي او هېواد ته راستانه شوي دي.
د طالبانو تر واک لاندې د کډوالو چارو وزارت په یوه خبرپاڼه کې ویلي چې پرون(چهارشنبه، زمري ٣) له ایران او پاکستان څخه ۲زره۷۹ افغان کډوال په «جبري او اختیاري» ډول ايستل شوي دي.
د دغه خبرپاڼې له مخې، ایران يو زرو ۶۶۴ او پاکستان ۴۱۵ افغان کډوال ايستلي دي.
د طالبانو تر واک لاندې دغه وزارت زیاته کړې چې ۱۷۷ تنه د تورخم او ۲۳۸ تنه د سپین بولدک له لارې هېواد ته داخل شوي دي.
په همدې حال کې او د دغه خبرپاڼې پربنسټ، يو زرو۶۶۴ نور کډوال د نیمروز ولایت د پل ابرېشم د پولې له لارې افغانستان ته داخل شوي دي.
دا په داسې حال کې ده، چې ایران او پاکستان له دې يوه ورځ وړاندې(سه شنبه،زمري) ۵زره۹۹۲ افغان کډوال ایستلي وو.
د دغه وزارت د خبرپاڼې له مخې، تېره ورځ ایران ۴زره۶۳۰ او پاکستان ۳۶۲ افغان کډوال له دغه هېواده ايستلي دي.
