په یوه ورځ کې نږدې څلور زره افغان کډوال له ایران او پاکستان څخه ویستل شوي او هېواد ته راستانه شوي دي.
د طالبانو تر کنټرول لاندې د کډوالو چارو وزارت په یوه خبرپاڼه کې ویلي چې پرون ( یکشنبه، د چنګاښ٣١مه) له ایران او پاکستان څخه ۳زره۷۷۵ کسان په زوره او په خپله خوښه ایستل شوي دي.
په خبرپاڼه کې ویل شوي، ایران ۳زره۲۶۹ کډوال او پاکستان ۵۰۶ کډوال ايستلي دي.
د طالبانو تر کنټرول لاندې دغه وزارت وايي چې ۲۳۱ تنه د تورخم او ۲۷۵ تنه د سپین بولدک له لارې هېواد ته داخل شوي دي.
په همدې حال کې او د دغه په خبرپاڼې پر بنسټ، تر دې دمه يو زرو ۳۲۹ کسان د هرات د اسلام کلا له لارې او يو زرو۹۴۰ تنه نور د نیمروز ولایت د ورېښمو پولې له لارې افغانستان ته داخل شوي دي.
دا په داسې حال کې ده، چې ایران او پاکستان دوه ورځې وړاندې تر ٥ زرو ډېر افغان کډوال په جبري ډول او خپله خوښه ایستلي دي.
