د سپینې ماڼۍ پخوانۍ ویاندې جین ساکي هوکړه کړې، چې له افغانستانه د امریکايي ځواکونو د وتلو په اړه د امریکا د کانګرس د بهرنیو اړیکو کمېټې ته د یوې څېړنيزې مرکې لپاره حاضره شي.
امریکايي رسنیو ویلي چې مېرمن ساکي به په روانه میاشت کې کانګرس ته شاهدي ورکړي.
رسنیو راپور ورکړی، هغه اطلاعات چې له افغانستانه د امریکايي ځواکونو د وتلو او د کابل د هوايي ډګر په چاودنه کې د ۱۳ امریکايي پوځیانو د وژل کېدو په اړه دي، کېداى شي مخرب سیاسي اطلاعات وي.
دا په داسې حال کې ده، چې مایکل مک کال په پام کې لري له افغانستانه د امریکایي ځواکونو د وتلو په اړه د بایډن په امر په امريكا کې د نومبر د پنځمې ټاکنو مخکې يو راپور خپور کړي.
د متحده ایالاتو رسنیو راپور ورکړی، چې د کانګرس د بهرنیو اړیکو کمیټې د څېړنو پلاوي د هغه څه ترمنځ چې بایډن او سپینې ماڼۍ د افغانستانه د وتلو په اړه ويلي او هغه څه چې د پردې تر شا پېښ شوي، ټکرونه موندلي دي.
د راپورونو له مخې، د جرګې د بهرنیو اړیکو کمیټه کېداى شي جین ساکي د هغه څه تر منځ د احتمالي توپیرونو په اړه تر فشار لاندې راولي چې سپینه ماڼۍ پرې په خصوصي توګه پوهېده او هغه څه چې په عامه توګه د اړيکو د دفترونو له لارې ویل شوي.
تر دې مخکې د کانګرس د بهرنیو اړیکو د کمیټې مشر مایکل مک کال ساکي ته خبرداری ورکړی و، که له افغانستانه د وتلو په اړه د شاهدي ورکولو لپاره دې کمېټې ته حاضره نه شي نو د هغې د احضارولو لپاره به له هرې لارې کار واخلي.
د يادونې وړ دهک چې د سپینې ماڼۍ پخوانۍ ویانده جین ساکي اوس مهال د «اېم اېس اېن بي سي» خبري شبکې سره کار کوي.
