د هېواد د کرېکټ ملي لوبډله نن سهار (سه شنبه، د چنګاښ ۵مه) د بنګله دېش لوبډلې سره د لوبې لپاره میدان ته ښکته شوه.
دا لوبه په ویسټ انډیز کې د کرېکټ د ۲۰ اوریزه نړیوال جام سیالیو په چوکاټ کې ترسره کېږي.
د يادونې وړ ده، چې د هېواد د کرېکټ ملي لوبډلې لوبغاړو بنګله دېش ته د ۱۱۶ منډو هدف ټاکلی دی.
دا په داسې حال کې ده چې د افغانستان د کرکټ ملي لوبډلې یوازې ۵ وېکټې له لاسه ورکړي.
تر دې وړاندې د افغانستان د کرېکټ ملي لوبډلې استرالیا ته د ۲۲ منډو په توپیر ماتې ورکړې وه، چې د هېواد د کرېکټ د ملي لوبډلې ستره بریا بلل کیږي.
