امام‌علی رحمان، رییس جمهور تاجیکستان در تماس تلیفونی با ولادیمیر پوتین همتایی روسی خود در واکنش به حمله مرگ‌بار روسیه گفته است که «تروریست گ‌ها نه ملیت، نه میهن و نه دین دارند».
کاخ کرملین می‌گوید که رییسان جمهور دو کشور توافق کرده‌اند که تلاش‌های مشترک ضد تروریزم خود را «تشدید» بخشند.
این در حالی است که رسانه‌های روسیه گزارش داده‌اند که مهاجمان تالار کنسرت مسکو شهروندان تاجیکستان هستند.
اما روز شنبه، وزارت خارجه تاجیکستان گزارش‌ها مبنی بر دخالت شهروندان این کشور را «جعلی» خواند.
استخبارات روسیه روز گذشته گفت که آنان یازده تن به شمول چهار مهاجم که بر غیرنظامیان شلیک کردند را از مرزهای اوکراین بازداشت کردند.
حمله به تالار کنسرت ۱۳۳ کشته و ۱۴۳ زخمی به‌جا گذاشت.
ولادیمیر پوتین ربیس‌جمهور روسیه به احترام به قربانیان این رویداد روز یکشنبه را در این کشور عزای عمومی اعلام کرده بود.
