ریچارد بنت، گزارشگر ویژه ملل متحد برای افغانستان، درخواست حکم بازداشت هبت‌الله آخندزاده رهبر طالبان از سوی دادستان دادگاه کیفری بین‌المللی را «یک گام حیاتی» خوانده و گفته که این حکم پیام‌های قاطع به رهبران طالبان می‌دهد که برای «جنایات وحشتناک شان» پیگیری خواهند شد.
دادستان دادگاه کیفری بین‌المللی درخواست حکم بازداشت عبدالحکیم حقانی، رئیس دادگاه عالی طالبان، را نیز اعلام کرده است.
آقای بنت گفته است که این اقدام همچنین به مردم افغانستان پیام می‌دهد که حقوق آنان فراموش نشده است.
او گفته که یک بیانیه رسمی را در این باره به زودی منشتر خواهد کرد.
دادگاه کیفری بین‌المللی آخندزاده و حقانی را به ارتکاب جنایت در برابر بشریت متهم کرده است.
