به گزارش رسانه تاجیکستانی اوستا، صبح روز دوشنبه (۱۷ سنبله) به دستور امامعلی رحمان، رئیسجمهور تاجیکستان، یک کاروان بزرگ کمکهای بشردوستانه به افغانستان که در پی زمینلرزه اخیر آسیب دیده است، اعزام شد.
ادارهی مطبوعاتی ریاستجمهوری تاجیکستان اعلام کرده است که این کمکها با موترهای باربری به افغانستان منتقل میشود.
بر اساس این گزارش، محموله شامل ۲۴ نوع مواد و اقلام ضروری از جمله آرد، روغن، شکر، برنج، لوازم بستر، لباس و کفش برای کودکان و بزرگسالان و همچنین خیمه است.
براساس گزارش در کنار مواد خوراکی و پوشاک، مقدار زیادی مواد ساختمانی از جمله میلآهن، تخته، شیفر، سمنت و سایر کالاهای ضروری نیز در این محموله گنجانده شده است.
