طالبان می‌گویند که یک هیئت هفت نفره شان از سه وزارت برای اشتراک در دو نشست گروه‌های کاری روند دوحه به قطر رفت.
طالبان گفته اند که در ترکیب این هیئت انعام‌الله عمار، رئیس برنامه ملی تداوی معتادین وزارت صحت‌عامه طالبان، هدایت‌الله اوریاخېل، مشاور ارشد معینیت عرضه خدمات صحی طالبان، و نمایندگان طالبان از وزارت‌های امور خارجه و زراعت است.
این در حالی است که نشست گروه‌های کاری روند دوحه قرار است فردا و پس‌فردا در قطر برگزار شود.
دوحه تایید کرده که در این دور سومین نشست گروه کاری مبارزه با مواد مخدر و دومین نشست گروه کاری بخش خصوصی برگزار خواهد شد.
هیئت معاونت ملل متحد در افغانستان (یوناما) این نشست را «تحول مثبت» توصیف کرده و گفته که چنین رویدادهایی می‌تواند به تعامل چندجانبه میان افغانستان و جامعه جهانی کمک کند.
