ارگ طالبان امروز (دوشنبه،۲۶ سنبله) گفته است ماموریت یادگار خواجه شادمانوف به عنوان سفیر ازبیکستان در کابل پس از ۱۲ سال به پایان رسیده است.
اقای شادمانوف در دیدار با عبدالسلام حنفی، معاون اداری رئیس وزیران طالبان گفته است که او در زمان ماموریت خود تلاش کرده است که تا روابط طالبان با ازبیکستان در عرصه‌های مختلف بیشتر «تقویت و گسترش» یابد.
در خبرنامه طالبان به نقل از سفیر پیشین ازبیکستان آمده است که تاجران و سرمایه‌گذاران این کشور در بخش‌های مختلف، بخصوص استخراج معادن و انرژی در افغانستان آماده سرمایه‌گذاری هستند.
از سویی هم معاون اداری رئیس وزیران طالبان بار دیگر بر ادامه روابط‌شان با ازبیکستان تاکید کرده است.
ازبیکستان در حال حاضر از کشورهای است که بیشترین تعامل را در بخش‌های اقتصادی با طالبان داشته است.
