د بشري حقونو په برخه کې د ملګرو ملتونو ځانګړی راپور ورکوونکی د افغانستان د وضعیت د اوږدمهاله حل په توګه د افغانانو ترمنځ د خبرو پر بیا پیل ټینګار کوي.
هغه د افغانستان د «محافظه کارو ملګرو» له بنسټ سره په خبرو کې وايي، که څه هم د ملګرو ملتونو ځانګړي همغږي کوونکي «فریدون سینیرلي اوغلو» د دغه سازمان د ارزونې په برخه کې د دې بحث د جزئیاتو یادونه نه ده کړې، خو پیلېدو ته یې اړتیا ده. ریچارډ بینیټ ټینګار کوي چې د هاګ نړیواله محکمه د افغان ښځو په وړاندې تبعیض د بشریت ضد جرم په توګه څیړي.
د ملګرو ملتونو د ځانګړي همغږي کوونکي ارزونه په راتلونکو اونیو کې د بیاکتنې او وروستۍ پریکړې لپاره د امنیت شورا په مېز ده..
د بشري حقونو په برخه کې د ملګرو ملتونو ځانګړی راپور ورکوونکی د افغانستان د محافظه کاره ملګرو له بنسټ سره په خبرو کې وايي چې دا ارزونه د افغانستان لپاره د اوږدمهاله حل په توګه د افغانانو ترمنځ د خبرو اترو وړاندیز کوي، که څه هم د هغه په وینا فریدون سینیرلي اوغلو د دغه خبرو په اړه نور جزئیات نه دي. ریچارډ بینیټ په دې باور دی چې افغانستان تر اوسه سوله نه ده ترلاسه کړې.
له بلې خوا ښاغلی بینیټ وایي: «د افغانستان له مسلې سره نښه تړلې ده، هغه دا ده چې ښکاره تبعیض، په قصدي توګه د ښځو او نجونو ګوښه کول یاد هیواد له نورو لېرې کوي، او زه فکر کوم چې په دې باندې تمرکز کول، د پاملرنې په را اړولو کې مرسته کوي. خو دا بسنه نه کوي، د بشري حقونو ډېرې سرغړونې روانې دي، چې موږ یې ځینو ته نن شپه اشاره وکړه، او ما حتی د بې درکه کولو، خپلسرو نيونو، شکنجو، د معترضو ښځو ځپلو او داسې نورو په اړه چې دا مهال دوام لري. خبرې نه دي کړي.»
په ورته وخت کې په ملګرو ملتونو کې د افغانستان د استازولۍ سرپرست وايي، د ښځو نیول او په زندانونو کې یې شکنجه کول، له پخوانیو پوځیانو غچ اخیستل، هدفي وژنې او ځینې نورې قضیې د طالبانو د سیاستونو برخه ده. هغه سیاستونه چې د ده په باور افغانستان یې له نړیوالې انزوا سره مخ کړی.
شفیقه رزمنده، د ښځو د حقونو فعاله وایي: «نیول شوې ښځې باید ژر تر ژره له زندانه خوشې او خپلو کورنیو ته وسپارل شي. دغو ښځو هېڅ جرم نه دی کړی، پرته د خپلو بشري حقونو د ترلاسه کولو څخه.»
له دې ټولو سره سره په شیعه وګړو او ځینو نورو ټولنیزو ډلو بریدونه، چاودنې او وژنی د ملګرو ملتونو د بشري حقونو د ځانګړي راپور ورکوونکي له خوا د اندېښنې وړ وبلل شوې او په دې اړه یې د لا زیاتو څېړنو ټینګار وکړ.
