رئیس کمیته پناهندگان افغانستان در شهر دوشنبه تاجیکستان گزارشهای منتشرشده درباره اخراج اجباری مهاجران کشور از تاجیکستان را بیاساس خوانده و گفته است دفتر وی هیچ شکایتی در این زمینه دریافت نکرده است.
مصور بهادری روز جمعه در گفتگو با رسانه «آسیا پلس» گفته است: «هیچ کسی برای شکایت از اخراج به کمیته ما مراجعه نکرده است و هیچ مهاجری شکایت رسمی نکرده است.»
پیش از این منابع به آمو گفتهاند که حکومت تاجیکستان از چندی به اینسو اقدام به بازداشت و اخراج اجباری مهاجران افغانستان کرده و برای مهاجران ۱۵ روز مهلت داده است تا این کشور را ترک کنند.
یکی از این منابع در پیام صوتی گفته است تاجیکستان در حالی مهاجران را بازداشت و با اجبار به افغانستان اخراج میکند که اکثر آنان مدارک قانونی اقامت در این کشور را دارند.
به گفته منابع، بیش از ۱۳ هزار شهروند افغانستان در حال حاضر در تاجیکستان زندگی میکنند و اکثر آنان در انتظار نهایی شدن پروندههای مهاجرتیشان از سوی دولت کانادا هستند.
منابع افزودهاند شمار زیادی از این مهاجران، کارمندان دولت پیشین افغانستان هستند که پس از سقوط نظام جمهوریت، از ترس «تهدید و پیگرد توسط طالبان» به تاجیکستان پناه بردهاند.
به گفته آنان، حکومت تاجیکستان در یک هفته گذشته روزانه دهها تن که اکثر آنان مردان خانوادهها هستند را بدون اطلاع قبلی و آگاهی خانوادههایشان، از سر وظایف و کارهایشان بازداشت کرده و به افغانستان برگشت داده است. بیشتر این پناهجویان در شهرک وحدت و ناحیه رودکی شهر دوشنبه، پایتخت تاجیکستان، زندگی میکنند.
این در حالی است که ایران و پاکستان نیز فشارهای روزافزون و بیپیشینهای را بالای بر مهاجران کشور وارد کرده و روزانه دهها هزار تن را اخراج میکنند
