خبرگزاری تاس روسیه امروز شنبه، ۳ قوس اعلام کرده است که ولادیمیر پوتین، رئیس جمهور روسیه رسما از امام‌علی رحمان رئیس جمهور تاجیکستان برای شرکت در مراسم نهم می، پیروزی ارتش شوروی سابق در جنگ جهانی دوم، دعوت کرده است.
براساس این خبر سمیون گریگوریف سفیر روسیه در تاجیکستان دعوت نامه ولادیمیر پوتین را به رئیس جمهور تاجیکستان داده است.
در نامه از امام‌علی رحمان دعوت شده است که در مراسم بزرگداشت از هشتادمین سالگرد پیروزی شوروی سابق در جنگ مهینی در ۹ می ۲۰۲۵ شرکت کند.
در نامه آمده که امام‌علی رحمان، رئیس جمهور تاجیکستان در سال ۲۰۲۵ ریاست سازمان کشورهای مشترک‌المنافع یا سی‌آی‌‌اس را بر عهده خواهد داشت.
