چین و تاجیکستان امروز (جمعه) در بیانیه‌ای بار دیگر بر ضرورت ایجاد حکومت همه‌شمول با حضور نمایندگان تمامی گروه‌های قومی، مذهبی و سیاسی در افغانستان تأکید کردند.
در این بیانیه، دو طرف خواهان یک افغانستان مستقل، بی‌طرف، متحد، فراگیر و صلح‌آمیز شده‌اند که عاری از تروریزم، جنگ و مواد مخدر باشد.
امام علی رحمان، رییس جمهور تاجیکستان، افزود: «ما به عنوان همسایه‌های افغانستان، بیش از همه در استقرار صلح و ثبات منفعت داریم و در این روند، تأسیس حکومت واقعاً همه‌شمول را عامل کلیدی می‌دانیم.»
رییسان جمهور چین و تاجیکستان پس از شرکت در بیست و چهارمین نشست شورای سران کشورهای سازمان همکاری شانگهای که در آستانه قزاقستان برگزار شد، دیدار و گفتگو کردند.
