ششمین نشست سالانۀ مشاوران امنیت ملی برخی از کشورهای منطقه با محوریت اوضاع افغانستان روز جمعه در بیشکک، پایتخت قرغیزستان برگزار شد.
خبرگزاری روسی «تاس» گزارش داده است که هیئت روسی به رهبری نیکولای پاتروشِف، دبیر شورای عالی امنیت ملی روسیه نیز در این نشست اشتراک کرده است.
مقام‌های بلند پایۀ امنیتی از چین، هند، ایران، قرغیزستان، قزاقستان، تاجیکستان و ازبیکستان در این نشست اشتراک کرده‌اند.
دور پیشن این نشست به میزبانی مسکو در ماه فبروی سال ۲۰۲۳ میلادی برگزار شده بود.
پس از تسلط طالبان بر افغانستان، کشورهای منطقه همواره از حضور گروه‌های هراس‌افگن و تهدید آن به منطقه ابراز نگرانی کرده‌اند.
