محمد ظاهر اغبر سفیر افغانستان در تاجیکستان با اشاره به حاکمیت طالبان در کشور می‌گوید که افکار افراطی «مخرب‌تر از بمب اتم» است.
او که سفیر گماشته شده نظام جمهوریت کشور در تاجیکستان است، در نشستی به مناسبت «۸ مارچ روز جهانی زن» گفته است که «افکار افراطی» دامن‌گیر منطقه شده و یک «بیماری ساری» است.
آقای اغبر با تاکید بر این‌که این افکار افراطی منطقه و جهان را تهدید می‌کند، می‌گوید: «اسم این گروه‌های افراطی زن‌ستیز را باید جاهلان سیاره جدید نام‌گذاری کنیم.»
او تحلویحاً درباره حاکمیت طالبان برکشور گفته است که نمی‌داند «این گروه‌های افراطی از کدام سیاره آمده‌اند».
از طرفی هم سفیر افغانستان در تاجیکستان افزوده است، کسانی که دیروز در کنار هبت‌الله رهبر طالبان ایستادند، اکنون به دلیل منع آموزش دختران و زنان او را ترک می‌کنند.
