کمیسیون نام‌گذاری اماکن، جاده‌ها و چهارراهی‌های طالبان اعلام کرده است که چهارراهی امور زنان در ولایت سرپل را به چهار راهی «استقلال» تغییر نام داده اند.
طالبان گفته اند که این تصمیم امروز (سه‌شنبه) در نشست نوبتی به ریاست عتیق‌الله عزیزی، معین فرهنگ و هنر وزارت اطلاعات و فرهنگ طالبان گرفته شده است.
بر اساس اعلام این کمیسیون نام چوک الماس به «چوک فرهنگ» چوک آفردی به «چوک مطبوعات» و چوک نظرگه به «چوک وحدت» تغییر یافته است.
علاوه بر این، نام شهرک «عیدی‌زاده» در ولایت قندز به «امام بخاری» تغییر داده شده است.
